പുതുവത്സരാശംസകള്‍

INTERNATIONAL CHILDRENS DAY CELEBRATIONS

ഇടം മസ്കറ്റ് വളരെ വിശാലമായ അര്‍ത്ഥത്തില്‍ കുട്ടികളുടെ കലാസാസ്ക്കാരിക പ്രവൃത്തനത്തേയും കാണുന്നൂ എന്നതിന് തെളിവാണ് കുട്ടികളുടെ വിഭാഗമായ ഇടം ചങ്ങാതിക്കൂട്ടം സംഘടിപ്പിച്ച INTERNATIONAL CHILDRENS DAY CELEBRATIONS അതിന്റെ വൈവിധ്യം കൊണ്ട് ശ്രദ്ദ പിടിച്ചുപറ്റി. കന്യാകുമാരി മുതല്‍ കാശ്മീര്‍വരെയുള്ള കുട്ടികള്‍ പങ്കെടുത്ത പരിപാടി കുട്ടികളുടെ ഉത്സവമായി മാറിയെന്നു തന്നെ പറയാം.

തികച്ചും കുട്ടികളാല്‍ നിയന്ത്രിക്കപ്പെട്ട പരിപാടി ഒപ്പതാം ക്ലാസ് വിദ്യാര്‍ത്ഥിനിയാ‍യ വൈശാഖി സുരേഷ് സ്വാഗതം പറഞ്ഞുകൊണ്ടാണ് തുടക്കം കുറിച്ചത്. അദ്ധ്യക്ഷ സ്ഥാനത്ത് ഇടം ചങ്ങാതിക്കൂട്ടം ലീഡര്‍ക്കൂടിയായ സജേഷ് വിജയനായിരുന്നു.

വളരെ ഉപരിപ്ലവങ്ങളായി സ്വന്തം സൌകര്യങ്ങളിലേക്കും, ചിന്തകളിലേക്കുമാണ് ഇന്നത്തെ കുട്ടികള്‍ പ്രത്യേകിച്ചുംഗള്‍ഫ് നാടുകളിലെ കുട്ടികള്‍ ചിന്തിക്കുന്നതെന്നും, എന്നാല്‍ ഇടം ചങ്ങാതിക്കൂട്ടത്തിലെ കുട്ടികള്‍ അത്തരത്തിലുള്ള ശീലങ്ങളില്‍ നിന്നും തീര്‍ത്തും തിരിഞ്ഞ് നടക്കേണ്ടതിന്റെ ആവശ്യകത അദ്ധ്യക്ഷ പ്രസംങ്ങത്തില്‍ സജേഷ് സൂചിപ്പിച്ചു.

വലിയ സൌകര്യങ്ങളോടെ ജീവിക്കുന്ന ഗള്‍ഫിലെ കുട്ടികള്‍ തീര്‍ച്ചയായും മനസ്സിലാക്കേണ്ട ചിലതുണ്ടെന്നും, നമ്മുടെ നാട്ടില്‍ ഒരു നേരത്തെ ഭക്ഷണത്തിനുവേണ്ടിയും, സ്കൂളുകളില്‍ പോകാന്‍ പാടുപെടുന്നതുമായ അനേകായിരം കുട്ടികള്‍ ഉണ്ടെന്ന് അവര്‍ അറിയേണ്ടതുണ്ട്. ഉയര്‍ന്ന രീതിയിലുള്ള പടന സൌകര്യങ്ങള്‍ ലഭിക്കുന്ന ഗല്‍ഫിലെ കുട്ടികള്‍ മനസ്സിലാക്കേണ്ട മറ്റൊന്നാണ് നമ്മുടെ രാജ്യത്ത് നൂറില്‍ 70 സ്ക്കുളുകളും ഓല ഷെഡ്ഡിലാണ് ഇന്ന് നില്‍ക്കുന്നത്.

നാട്ടില്‍ കഷ്ടത അനുഭവിക്കുന്ന നമ്മുടെ സഹോദരങ്ങള്‍ക്ക് സഹായങ്ങള്‍ ചെയ്യേണ്ടത് നമ്മുടെ ആവശ്യകതയാണ്. ഇടം ചങ്ങാതിക്കുട്ടം ഇത്തരത്തിലുള്ള പ്രവൃത്തനങ്ങള്‍ ഏറ്റെടുക്കുകയും അതിന്റെ പ്രവൃത്തനങ്ങളായി മുന്നോട്ട് പോകേണ്ടതും, ഈ സന്ദര്‍ഭത്തില്‍ നമ്മുടെ കുട്ടികളെ ഓര്‍മ്മപ്പെടുത്തേണ്ടതാണെന്ന് സജേഷ് പറയുകയുണ്ടായി. ഇടം എന്ന സംഘടനയുടെ കാഴ്ചപ്പാടിനെ ആകെ പ്രതിഫലിക്കുന്നതായിരുന്നു വിജേഷ് വിജയന്റെ അദ്ദ്യക്ഷ പ്രസംഗം.

Childrend Day Celebrations ഉദ്ഘാടനം ചെയ്തത് For Special Education വിദ്ദ്യാര്‍ഥിയായ

സായി ശരണ്‍ ആയിരുന്നു. തന്നെപ്പോലെയുള്ള ഒരു കുട്ടിയെ ഉത്ഘാടനത്തിന് പരിഗണിച്ചതില്‍ തന്റെ സ്കൂളിലെ മുഴുവന്‍ കുട്ടികള്‍ക്ക് ഇടം എന്ന സംഘടന നല്‍കിയ വലിയ അംഗീകാരമാണെന്നും ഉത്ഘാടന പ്രസംഗത്തില്‍ സായി പറയുകയുണ്ടായി.

നിറഞ്ഞ സദസ്സില്‍ അവതരിക്കപ്പെട്ട പരിപാടി ആസ്വദിക്കാനെത്തിയവര്‍ ആകട്ടെ കാശ്മീര്‍ മുതല്‍ തിരുവനന്തപുരം വരെ എന്ന രീതിയില്‍ ഇന്ത്യയുടെ തന്നെ പരിശ്ചേതം ആയിരുന്നു. ഇത്തരത്തില്‍ വിത്യസ്ത സമൂഹങ്ങളുടെ കൂട്ടായ്മ ഉയര്‍ത്തിക്കാട്ടിയ പരിപാടികള്‍ വിരളമായേ മസ്ക്കറ്റില്‍ സംഘടിപ്പിക്കാറുള്ളുയെന്ന് പലരും രേഖപ്പെടുത്തിയത് ശ്രദ്ദേയമായി.പരിപാടികള്‍ വിജയമാക്കിത്തീര്‍ത്ത മസ്ക്കറ്റിലെ മുഴുവന്‍ കുട്ടികള്‍ക്കും, രക്ഷകര്‍ത്താക്കള്‍ക്കുംചങ്ങാതിക്കുട്ടം അംഗമായ ഡയാന നന്ദി പ്രകാശിപ്പിച്ചു.

ഇടം മസ്ക്കറ്റിലെ കുട്ടികളോടൊപ്പം മസ്ക്കറ്റിലെ വിവിധ സ്കൂളിലേയും, കലാ ഇന്‍സ്റ്റിറ്റൂട്ടുകളിലെ കുട്ടികളും പങ്കെടുത്ത പരിപാടിയില്‍ വിവിധ കലാപരിപാടികള്‍ അവതരിപ്പിക്കുകയ്യും ചെയ്തു.

ശ്രീനാരായണ സ്മരണയും സെമിനാറും

ഇടം മസ്കറ്റ്‌ ശ്രീനാരായണ സ്മരണയുടെ ഭാഗമായി സംഘടിപ്പിച്ച സെമിനാറും ഗുരു സ്മരണ പ്രഭാഷണവും ശ്രദ്ധേയമായി. "നവ സാമൂഹ്യ പ്രസ്ഥാനങ്ങൾ ശക്തിയും ദൗർബല്യവും" എന്ന വിഷയത്തിൽ അവതരിപ്പിക്കട്ട സെമിനാർ ആഗോളാടിസ്ഥാനത്തിൽ പുതുതായി രൂപം കൊണ്ടുകൊണ്ടിരിക്കുന്ന സാമൂഹ്യ രാഷ്ട്രീയ പ്രസ്ഥാനങ്ങളുടെ പ്രസക്തിയും പ്രശ്നങ്ങളും വിശദവിധേയമാക്കുന്ന ചൂടേറിയ ചർച്ചകൾക്ക്‌ തിരികൊളുത്തി.

മോഡറേറ്റർ ഹമീദ്‌ ചേന്നമംഗലൂർ പുതു രാഷ്ട്രീയ പ്രസ്ഥാനങ്ങൾ പ്രതിനിധാനം ചെയ്യുന്ന ദളിത്‌, സ്ത്രീ, പരിസ്ഥിതി മേഖലകളിൽ പുതിയ കാലഘട്ടത്തിൽ ഉയർന്നു വന്നൂകൊണ്ടിരിക്കുന്ന ഗൗരവമായ പ്രശ്നങ്ങളിൽ ഈ സെമിനാറിലെ തുടർന്നു വരാൻ പോകുന്ന പ്രബന്ധങ്ങളും ചർച്ചയും ഏത്‌ രീതിയിൽ പുരോഗമിക്കും എന്ന പ്രത്യാശ പ്രകടിപ്പിച്ചു.തുടർന്ന് അവതരിപ്പിക്കപ്പട്ട ടി.എൻ. ജോയിയുടെ പ്രബന്ധത്തിൽ പുതു സാമൂഹിക പ്രസ്ഥാനങ്ങൾ രൂപം കൊണ്ട സാമൂഹിക രാഷ്ട്രീയ പരിസരങ്ങളെക്കുറിച്ചും അത്‌ ചെന്ന് വഴുതി വീഴാൻ സാധ്യതയുള്ള വലതുപക്ഷ അനുകൂല രാഷ്ട്രീയ ഭൂമികയെക്കുറിച്ചും വ്യക്തമായ മുന്നറിയിപ്പ്‌ തന്നു.

സ്ത്രീ വിമോചന നവ സാമൂഹിക പ്രസ്ഥാനങ്ങളെ അധികരിച്ച്‌ തുടർന്നു സംസാരിച്ച ഡോ ദേവിക ആധുനിക ലോകക്രമത്തിൽ രൂപം കൊണ്ട രാഷ്ട്രീയ സാമൂഹിക പരിസരങ്ങളിൽ ഇതുവരെയുള്ള സാമൂഹിക രാഷ്ട്രീയ പ്രസ്ഥാനങ്ങൾ പ്രഥമ പരിഗണന നൽകിയ ഭരണകൂടം എന്ന സ്ഥാപനവുമായുള്ള പ്രതിരോധ പ്രവർത്തനത്തേക്കാൾ നവ സമൂഹിക പ്രസ്ഥാനങ്ങളുടെ പരിഗണന അധികാര ബന്ധിതമായ വിപണി, കുടുംബം, ജോലിയിടങ്ങൾ തുടങ്ങിയവയുടെ ജനാധിപത്യവൽക്കരണത്തിലാണന്നു ചൂണ്ടിക്കാണിച്ചു.

തുടർന്നു ദളിത്‌ രാഷ്ട്രീയ മുന്നേറ്റങ്ങളെക്കുറിച്ച്‌ പ്രബന്ധമവതരിപ്പിച്ചു കൊണ്ട്‌ സംസാരിച്ച ദിലീപ്‌ രാജ്‌, നവോത്ഥാന ചരിത്രം മുതൽ ഇടതു രാഷ്ട്രീയം കൈവരിച്ച ജനകീയ മുന്നേറ്റങ്ങളിലൊന്നും കേരളത്തിലെ ആദിവാസി ദളിത്‌ സമൂഹം അവഗണിക്കപ്പെടുകയായിരുന്നു എന്ന യാഥാർത്ഥ്യം വസ്തുതകളുടെ അടിസ്ഥാനത്തിൽ ബോധ്യപ്പെടുത്തുകയും. അതുകൊണ്ട്‌ തന്നയാണ്‌ സി.കെ ജാനുവിന്റെ ആദിവാസി സമരം ഉൾപ്പടെ ളാഹ ഗോപാലന്റെ ചെങ്ങറ സമരം വരെ എത്തി നിൽക്കുന്ന കേരള ദളിത്‌ രാഷ്ട്രീയ മുന്നേറ്റം രൂപപ്പെടാൻ നിർബന്ധിക്കപ്പട്ട സാമൂഹിക രാഷ്ട്രീയ പരിസരം രൂപപ്പെട്ടത്‌ എന്ന് ഓർമ്മപ്പെടുത്തി.

തുടർന്നു പരിസ്ഥിതി രാഷ്ട്രീയത്തെക്കുറിച്ചു സംസാരിച്ച ഡോ: കാദർ ആഗോള താപനമടക്കമുള്ള പ്രശ്നങ്ങൾ ആഗോള മനുഷ്യസമൂഹത്തിന്റെ മൊത്തം പ്രശ്നമാണന്നിരിക്കെ ഈ പ്രശ്നങ്ങളെ സൂഷ്മാഖ്യാനങ്ങളിൽ മാത്രം ഊന്നി എങ്ങനെ പരിഹരിക്കാൻ കഴിയും എന്ന സ്ന്ദേഹം പങ്കുവെച്ചു.

തുടർന്നു ചർച്ചകളെ സമാഹരിച്ച്‌ സംസാരിച്ച മോഡറേറ്റർ ഹമീദ്‌ ചേന്നമങ്ങലൂർ എല്ലാ സൂക്ഷ്മാഖ്യാനങ്ങൾക്കും ഒരു ബൃഹതാഖ്യാനത്തിന്റെ രാഷ്ട്രീയ ദാർശ്ശനിക ബോധത്തിന്റെ ഉള്ളിൽ നിന്നു മാത്രമെ പ്രവർത്തനം സാധ്യമാവൂ എന്നും. മുതലാളിത്തത്തെ കറുത്ത മുതലാളിത്തം കൊണ്ടും വർണ്ണ വെറിയെ കറുത്ത വർണ്ണ വെറികൊണ്ടും നേരിടാനാവില്ല എന്നും അമേരിക്കയിലെ ബ്ലാക്ക്‌ മുവ്മന്റിന്റെ തിരിച്ചറിവിനെ മുൻ നിർത്തി ഉപസംഹരിച്ചു.

രാഷ്ട്രീയ സാമൂഹ്യ മണ്ടഡലങ്ങളെ ബാധിക്കുന്ന ഗൌരവതരമായ അനേകം പ്രശ്നങ്ങള്‍
ചര്‍ച്ച ചെയ്യപ്പെട്ട സെമിനാര്‍ ശ്രോതാക്കളുടെ സജീവ പങ്കാളിത്തംകൊണ്ട് ശ്രദ്ദേയമായി.
പല നിഗമനങ്ങളും ചോദ്യം ചെയ്യപ്പെട്ടു. ഒമാനിലെ പ്രവാസി സമൂഹത്തിന് തീര്‍ത്തും
വ്യത്യസ്തമായ ഒരനുഭവമായിരുന്നു ദിവസം മുഴുവന്‍ നീണ്ടുനിന്ന സെമിനാറും, ചര്‍ച്ചകളും.

തുടര്‍ന്ന് ജയപ്രകാശ് കുളൂര്‍ രചനയും, സംവിധാനവും നിര്‍വ്വഹിച്ച ദുബായ് ഫ്ലാറ്റ് ഫോറം
തിയ്യേറ്ററിന്റെ “പാലം” ഇടം മെമ്പര്‍ സുധി അവതരിപ്പിച്ച “വെളിച്ചെണ്ണ“ എന്നീ രണ്ട്
ലഘു നാടകങ്ങളും അരങ്ങേറി.

മലയാളം ന്യൂസ് - ഒക്ടോബര്‍ 13, 2009

പാര്‍ശ്വവല്‍കൃത സമൂഹങ്ങള്‍ക്കും സംവാദത്തിന് ഇടം നല്‍കുന്ന വിധത്തില്‍

രാഷ്ട്രീയം പുനംക്രമീകരിക്കണമെന്ന് സ്ത്രീപക്ഷ ചിന്തകയായ ഡോ. ജെ. ദേവിക

ഇടം സംഘടിപ്പിച്ച ശ്രീ നാരായണ സ്മരണയോടനുബന്ധിച്ച് നടന്ന

നവസാമൂഹ്യ പ്രസ്ഥാനങ്ങളിലെ സ്ത്രീസാന്നിധ്യം

എന്ന വിഷയത്തെക്കുറിച്ച് സംസാരിക്കുമ്പോള്‍ പറയുകയുണ്ടായി

കൂടുതല്‍ ഇവിടെ വായിക്കുക

http://docs.google.com/Doc?docid=0Af21lsB-cDJcZGc4eHg5c3RfMmdncDRic2hi&hl=en

മലയാളം ന്യൂസ് - ഒക്ടോബര്‍ 11, 2009

ദേശീയ സാംസ്കാരിക മൂലധനത്തിന്റെ ഭാഗമായി

ന്യൂനപക്ഷ സാംസക്കാരിക മൂലധനം പരിഗണിക്കപ്പെടണം -ഹമീദ് ചേന്ദമംഗല്ലൂര്‍

കൂടുതല്‍ ഇവിടെ വായിക്കുക
http://docs.google.com/Doc?docid=0Af21lsB-cDJcZGc4eHg5c3RfNGc1bndubWM2&hl=en

SREE NARAYANA SMARANA

IDAM MUSCAT organizes Seminar and lecture on 9th October 2009,
in memory of the great renaissance leader of Kerala , SREE NARAYANA GURU.
Seminar, on Neo Social Movements- Strength and Weakness,
attended by J. DevIka , Dileep Raj and Dr. Abdul Kader,
Time 9AM to 5PM Lunch at 1PM.
The subject of the Lecture will be Multiculturalism and Society by
eminent writer and social critic Hameed Chendamangaloor
at 8PM Programs will be held at Al Maasa hall Ruwi.

SEMINAR

Neo Social Movements – Strength and weakness

Moderator: Hameed Chendamangaloor

Writer and Socio-Political thinker

Papers presented by:

J. Devika

Director Center for Development studiesTrivandrum.

T.N. Joy

A socio political observer and work as a Beauty Consultant in Kerala.

Dileep raj

Writer engaged in studies of Neo Social movements and runs Book Port Kochi.

Dr. Abdul Kader

Environmental activist working in Dubai

**************

Lecture:

Multiculturalism and Society

Hameed ChendaMangaloor

For seminar delegate registration
please contact Mrs. Deepti - 957 11 271

ഗാന്ധി സ്മരണയിൽ ഇടം രക്തദാന ക്യാമ്പും ഡയബറ്റിക്‌ സെമിനാറും നടന്നു.

'എന്റെ ജീവിതം തന്നെയാണ്‌ എന്റെ സന്ദേശം' എന്ന് പറയാൻ കെല്‌പുള്ള എത്ര ചരിത്ര പുരുഷന്മാർ നമുക്കുണ്ടായിരുന്നു?. ഇവിടെയാണ്‌ ഭാരതത്തിന്റെ പ്രിയ രാഷ്ട്ര പിതാവ്‌ മഹാത്മാഗാന്ധിയുടെ പ്രസക്തി. ഒരു ജീവിതം മുഴുവൻ മറ്റുള്ളവരുടെ സന്തോഷത്തിനും അവർക്ക്‌ ജീവിക്കാനുള്ള സാഹചര്യം രൂപപ്പെടുത്താനും മാറ്റിവെച്ച ആ മഹാത്മാവിന്റെ സ്മരണയിൽ ഒക്ടോബർ രണ്ടിന്‌ റൂവിയിലെ അൽമാസാ ഹാളിൽ ഇടം മസ്കറ്റ്‌ സംഘടിപ്പിച്ച രക്തദാന ക്യാമ്പും ഡയബറ്റിക്‌ സെമിനാറും വർദ്ധിച്ച പങ്കാളിത്തം കൊണ്ട്‌ ശ്രദ്ധേയമായി.

നേഷണൽ അസോസിയേഷൻ ഓഫ്‌ കാൻസർ അവയർന്നസ്സ്‌ മേധാവി ഡോ: യെത്തൂർ മുഹമ്മദ്‌ അൽ റവാഹി ഉദ്ഘാടനം നിർവ്വഹിച്ച ഈ പരിപാടിയുടെ മറ്റൊരു പ്രത്യേകത 'Joy of giving week ' ന്റെ ഭാഗമായി കുട്ടികളെ വിശാലമായ സഹജ സ്നേഹത്തിന്റെ ബോധത്തിലേക്ക്‌ ഉയർത്താൻ ലക്ഷ്യം വെച്ചുള്ള സാമൂഹ്യ ക്ഷേമ പ്രവർത്തനത്തിന്‌ തുടക്കം കുറിക്കലായിരുന്നു

കുട്ടികൾ തങ്ങൾക്ക്‌ കിട്ടുന്ന പോക്കറ്റ്‌ മണിയിൽ നിന്ന് മാറ്റിവെക്കുന്ന സംഖ്യ ലോകത്തിന്റെ ഏതെങ്കിലും കോണുകളിൽ ജീവിതത്തിന്റെ പുറമ്പോക്കുകളിലേക്ക്‌ തള്ളപ്പെട്ട ദുരിത ബാല്യത്തിന്‌ വേണ്ടി നീക്കി വെക്കുന്നു. അതു വഴി അവൻ സഹജാവബോധത്തിന്റെയും സ്നേഹത്തിന്റെയും ആനന്ദപൂർവ്വമായ ഒരു നവീകരിക്കപ്പെട്ട മാനസ്സിലേക്ക് ഉണരുന്നു. ഇടത്തിന്റെ ഈ കാഴ്ചപ്പാടിനെ അന്വർത്ഥമാക്കുന്ന വിധത്തിലായിരുന്നു കുട്ടികളുടെ ഈ സംരംഭത്തോടുള്ള പ്രതികരണം. നേരത്തേ തയ്യാറാക്കിയ ശേഖരണപ്പെട്ടിയിൽ സംഭാവന ഏറ്റു വാങ്ങിക്കൊണ്ട്‌ ഈ പദ്ധതിയും മുഖ്യാഥിതിയായ ഡോ: യെത്തൂർ മുഹമ്മദ്‌ അൽ റവാഹി ഉദ്ഘാടനം നിർവ്വഹിച്ചു.

ഡോ: അശോകിന്റെയും ഡോ:ബിനോയിയുടെയും നേതൃത്വത്തിൽ നടന്ന ഡയബറ്റിക്‌ ബോധവത്കരണ ക്ലാസ്സും ഡയബറ്റിക്‌ രോഗികൾക്കായ്‌ ഒരുക്കിയ ഡയബറ്റിക്‌ ക്ലിനിക്കും പങ്കാളികളുടെ സജീവ സാന്നിദ്ധ്യം കൊണ്ട്‌ ശ്രദ്ധേയമായി.

ഇടം ഓണം - ഈദ്‌ ആഘോഷിച്ചു

ജാതി മതം രാഷ്ട്രീയം തുടങ്ങിയ എല്ലാ അതിർവരമ്പുകളെയും ഭേദിച്ചു കൊണ്ട്‌ കേരളത്തിലെയും മറ്റ്‌ ലോകത്തിന്റെ നാനാഭാഗങ്ങളിലും താമസിക്കുന്ന മലയാളികൾ ഒന്നാവുന്ന ഒരാഘോഷം എന്ന നിലക്ക്‌ ഓണം ഒട്ടേറെ പ്രത്യേകതകളുള്ള മലയാളിയുടെ സ്വന്തം ആഘോഷമാണ്‌. എന്നാൽ പ്രവാസികളായ മലയാളികൾക്ക്‌ പ്രത്യേകിച്ചും ഓണം വളരെ ഗൃഹാതുരമായ ഓർമ്മകളുടെ പൂക്കളമാണ്‌. വ്രത ശുദ്ധിയുടെ മാസത്തിന്‌ പരിസമാപ്തികുറിച്ചുകൊണ്ട്‌ സമാഗതമായ ഈദും കൂടി വന്നതോടു കൂടി ഇടത്തിന്റെ ഓണം ഈദ്‌ ആഘോഷം പ്രവർത്തകർക്ക്‌ ഇരട്ടി മധുരമുള്ള ഒരനുഭവമായി.

ബർക്കയിലെ മനോഹരമായ ഫാമിൽ വെച്ചായിരുന്നു ഒട്ടനവധി അവിസ്മരണീയ മുഹൂർത്തങ്ങളിലൂടെ കടന്നു പോയ ആഘോഷ പരിപാടികൾ സംഘടിപ്പിക്കപ്പെട്ടത്‌. പരിപാടിയുടെ തലേന്നു രാത്രിതന്നെ സദ്യയടക്കമുള്ള ഒരുക്കങ്ങൾക്ക്‌ ഇടം പ്രവർത്തകർ അവിടെ സന്നിഹിതരായിരുന്നു.

ഓണം ദിവസം രാവിലെ തുടങ്ങിയ ആഘോഷപരിപാടികളിൽ ഇടം അംഗങ്ങളും അതിഥികളും അടക്കം നാനൂറോളം പേർ പങ്കാളികളായിരുന്നു. ഓണപ്പാട്ടുകൾ, കവിതകൾ, നൃത്തങ്ങൾ തുടങ്ങിയ കലാപരിപാടികളിൽ കുട്ടികളും മുതിർന്നവരും അത്യന്തം ഉത്സാഹത്തോടെയാണ്‌ പങ്കെടുത്തത്‌. എല്ലാ അർത്ഥത്തിലും തുടക്കം മുതൽ അവസാനം വരെ ആഘോഷത്തിന്റെയും സന്തോഷത്തിന്റെയും അന്തരീക്ഷം നില നിന്നിരൂന്ന ഈ പരിപാടിയുടെ മറ്റൊരു പ്രത്യേകത ഉറിയടി എന്ന നാടൻ കലാരൂപത്തിന്റെ ആവിഷ്ക്കാരം, കുട്ടികളും മുതിർന്നവരും പ്രായഭേദമന്യേ പങ്കെടുത്ത വ്യത്യസ്ഥമായ കളികൾ, കമ്പവലി തുടങ്ങിയവയായിരുന്നു.

വൈകിട്ട്‌ അവസാനിച്ച ഓണം ഈദ്‌ ആഘോഷം പങ്കടുത്ത എല്ലാവർക്കും തന്നെ നല്ലൊരനുഭവമായിരുന്നു.

BLOOD DONATION CAMP

സ്വന്തം ജീവിതം തുടർന്നു വരുന്ന തലമുറക്ക്‌ സ്വാതന്ത്ര്യത്തിന്റെയും മനുഷ്യാവകാശങ്ങളുടെയും പ്രാണവായു നേടിക്കൊടുക്കാനായി മാറ്റിവെച്ച്‌ അവസാനം ആ വഴിയിൽ തന്നെ രക്തസാക്ഷിയായ ഭാരതത്തിന്റെ പ്രിയ പിതാവ്‌ ബാപ്പുജിയുടെ ജന്മ ദിനം ഒക്ടോബർ രണ്ടിന്‌ ഇടം മസ്കറ്റ്‌ ആഘോഷിക്കുകയാണ്. അദ്ദേഹം മാനവരാശിക്ക്‌ പകർന്നു തന്ന സ്നേഹസംബന്ധിയായ ആശയങ്ങളെ പരിമിതമായ രീതിയിൽ പ്രയോഗവൽക്കരിക്കാൻ ശ്രമിച്ചുകൊണ്ടുള്ള പ്രവർത്തനങ്ങൾക്കാണ് രൂപം നൽകിയിരിക്കുന്നത്‌.

കൊടുക്കുക, പകർന്നു നൽകുക അതിലൂടെ സംജാതമാകുന്ന ആനന്ദം അനുഭവിക്കുക എന്ന സൂഫീ കാഴ്ചപ്പാടിൽ ഉരുവം കൊണ്ടതായിരിക്കണം 'joy of giving week' എന്ന ആശയം. ഈ ഒരു കാര്യമാണ് ഇത്തവണത്തെ ഗന്ധി ജയന്തി ആഘോഷങ്ങളുടെ പ്രത്യേകത. ജിബ്രാൻ പറയുന്നു “നിങ്ങൾക്കുള്ളതല്ലാം ഏതെങ്കിലുമൊരു നാൾ മറ്റുള്ളവർക്ക് കൊടുക്കേണ്ടതാണ് എന്നാൽ അത് ഇന്നു തന്നെ ചെയ്തുകൂടേ’ എന്ന്. സഹജീവികൾക്ക് എന്തെങ്കിലും പകർന്നു കൊടുക്കുന്നതിൽ മനുഷ്യൻ വലിയൊരാനന്ദം അനുഭവിക്കുന്നുണ്ട്. അതുകൊണ്ട് തന്നെ ഗാന്ധി സ്മരണയും ‘joy of giving week' ഉം സ്നേഹത്തിന്റെയും ഉപാധികളില്ലാത്ത പാരസ്പര്യത്തിന്റെയും ദിശയിലേക്കുള്ള ഉത്ബോധനത്തിന്റെ വലിയൊരു ഓർമ്മപ്പെടുത്തലാണ്‌. ഇതിൽ നിന്നും ഒരു മനുഷ്യ സ്നേഹിക്കും മുഖം തിരിഞ്ഞു നിൽക്കാനാവില്ല. കാരണം , നാം ഇന്നനുഭവിക്കുന്ന ജീവിത സൗകര്യങ്ങൾ, സ്വാതന്ത്ര്യം, മനുഷ്യാവകാശങ്ങൾ മറ്റെല്ലാം തന്നെ എത്രയോ മനുഷ്യ ജീവിതങ്ങൾ അവരുടെ ജീവിതമോ ജീവനോ തന്നെ നഷ്ടപ്പെടുത്തി വരും തലമുറക്ക്‌ സമ്മാനിച്ചവയാണ്‌. ഈ ഒരു യാഥാർത്ഥ്യം വളരെ ചെറിയൊരളവിലെങ്കിലും ഉൾക്കൊണ്ട്‌ നമ്മളുടെ ബാധ്യത നിർവ്വഹിക്കുക എന്നതാണ്‌ ഇടം വരുന്ന ഒക്ടോബർ 2 ന് റൂവി അൽമാസ ഹാളിൽ സംഘടിപ്പിക്കാൻ പോകുന്ന രക്തദാന ക്യാമ്പിന്റെ ലക്ഷ്യം. ഭാവിയിൽ രക്തം കിട്ടാതെ ബുദ്ധിമുട്ടുകയോ മരിക്കുകയോ ചെയ്യാൻ സാധ്യതയുള്ള ഒരു രോഗിയെക്കുറിച്ചുള്ള നമ്മളുടെ പരിഗണനയാണിത്‌. എല്ലാ മനുഷ്യ സ്നേഹികളുടെയും സജീവസാന്നിധ്യം രക്തദാന ക്യാമ്പിലേക്ക്‌ ഞങ്ങൾ ക്ഷണിക്കുകയാണ്‌.
ഇതോടനുബന്ധിച്ച് നടക്കാൻ പോകുന്ന ഡയബറ്റിക് ക്ലിനിക്കും ബോധവൽക്കരണ പ്രഭാഷണവുമാണ് മറ്റൊരു പരിപാടി. രോഗികൾക്ക് ഫ്രീ കൺസൽട്ടേഷനും ഡോക്ടർമാരുമായി സ്വതന്ത്രമായി സംവദിക്കാനുമുള്ള അവസരവും ലഭ്യമാകത്തക്ക രീതിയിലാണ് ഈ പരിപാടി രൂപകല്പന ചെയ്തിരിക്കുന്നത്. പ്രമുഖ ഡോക്ടർമാർ ഇതിൽ പങ്കെടുക്കുന്നു.

ഇടത്തിന്റെ ആദ്യ ജനറൽ ബോഡിയിൽ ഇടം ബാലവിഭാഗം സക്രട്ടറി അവതരിപ്പിച്ച ഒരു പ്രത്യേക പരിപാടിയായിരുന്നു. കുട്ടികൾ അവർക്കു കിട്ടുന്ന പോക്കറ്റ് മണിയിൽ നിന്നും സംഭരിച്ച് നടത്താൻ പോവുന്ന സാമൂഹ്യ ക്ഷേമ പ്രവർത്തനങ്ങൾ’ ഇതിൽ കൂടി സംഭരിക്കാൻ സാധ്യതയുള്ള സംഖ്യ താരത‌മ്യേന ചെറുതാണങ്കിൽ തന്നെയും ഇത്തരം പ്രവർത്തനങ്ങളിൽ നേരിട്ടു പങ്കാളിയാവുക വഴി സഹജസ്നേഹത്തിന്റെയും ജീവിതത്തിന്റെ പുറം‌പോക്കുകളിൽ തള്ളപ്പെട്ട ബാലങ്ങളോടുള്ള സഹാനുഭൂതിയുടെയും വിത്ത് കുഞ്ഞു മനസ്സിൽ പാകാൻ നമുക്കു കഴിഞ്ഞേക്കും. നമ്മുടെ കുട്ടികൾക്കായുള്ള ഈ പരിപാടി ''Joy of giving week'' ന്റെ ഭാഗമായി ഉദ്ഘാടനം ചെയ്യപ്പെടുകയാണ്. നമ്മുടെ എല്ലാവരുടെയും കുഞ്ഞുങ്ങളെ നന്മയുടെ ഈ പദ്ധതിയിൽ പങ്കാളികളാക്കാൻ നാം തയ്യാറാവുക കാരണം അവരാണ് ഉയർന്നു വരുന്ന പുതിയ തലമുറ.
മുകളിൽ സൂചിപ്പിച്ച എല്ലാ പരിപാടികളിലേക്കും മസ്കറ്റിലെ എല്ലാ മനുഷ്യസ്നേഹികളെയും ഇടം സ്വാഗതം ചെയ്യുകയാണ്. പരിപാടിയുടെ വിശദാംശങ്ങളും ബന്ധപ്പെടേണ്ട നമ്പറുകളും താഴെക്കൊടുക്കുന്നു.

Medical Camp - Sunil Muttar - 9947 5563

Joy of Giving Week - Sanash - 9253 8298

ഇടം ഈദ്‌ ഓണം ആഘോഷവും ശ്രീനാരായണ സ്മരണയും

ഇടം ഈദ്‌ ഓണം ആഘോഷവും ശ്രീനാരായണ സ്മരണയും.ഈദിന്റെ പിറ്റേന്നും തുടർച്ചയായി വരുന്ന മറ്റ്‌ രണ്ട്‌ വെള്ളിയാഴ്ചകളിലും സാമൂഹ്യക്ഷേമം മുൻനിർത്തിയുള്ളതും മറ്റ്‌ വിനോദപ്രദവുമായ ഒട്ടേറെ പരിപാടികൾ ഞങ്ങൾ സന്തോഷപൂർവ്വം അറിയിക്കട്ടെ. ഇതിൽ ആദ്യത്തേത്‌ ഈദിന്റെ രണ്ടാം ദിവസം ബർക്കയിലെ ഹരിത സുന്ദരമായ ഫാമിൽ വെച്ച്‌ നടക്കാൻ പോകുന്ന ഈദ്‌ ഓണം ആഘോഷങ്ങളാണ്‌. ഓണദിനത്തിൽ കോട്ടയം ആശാഭവനിലെ അന്തേവാസികൾക്ക്‌ ഓണക്കോടി സമ്മാനിച്ചു കൊണ്ട്‌ തികച്ചും മാതൃകാപരമായ ഒരു സന്ദേശം മുന്നോട്ടു വെച്ചുകൊണ്ടാണ് ഇടം ഓണാഘോഷത്തിന്‌ തുടക്കമിട്ടത്‌. എന്നാൽ ബർക്കയിലെ ഈദ്‌ ഓണം ആഘോഷങ്ങളിൽ ഇടം മെംബർമാർക്കും കുടുംബാംഗങ്ങൾക്കും അഥിതികൾക്കുമായ്‌ ഒരുക്കിയിരിക്കുന്നത്‌ ഓണ സദ്യയും ഓണക്കളികളും മറ്റ്‌ കലാപരിപാടികളും ഉൾക്കൊള്ളുന്ന വിശാലമായ ഒരു വിരുന്നു തന്നെയാണ്‌.

ഒക്ടോബർ രണ്ട്‌ ഇന്ത്യയുടെ രാഷ്ട്രപിതാവ്‌ ഗാന്ധിയുടെ ജന്മദിനത്തോടനുബന്ധിച്ച്‌ ഇടം സമൂഹ്യക്ഷേമ വിഭാഗം നാഷണൽ അസോസിയേഷൻ ഫോർ Nional Associationfor Cancer Awareness (NACA) ഒമാനുമായ്‌ സഹകരിച്ചു സംഘടിപ്പിക്കാൻ പോകുന്ന രക്തധാന ക്യാമ്പും സൗജന്യ ഡയബറ്റിക്‌ ക്ലിനിക്കുമാണ്‌ മറ്റൊരു ശ്രദ്ധേയമായ പരിപാടി. റൂവിയിലെ അൽമാസ ഹാളിൽ വെച്ച്‌ നടക്കാൻ പോകുന്ന ക്യാമ്പിൽ ഇടം പ്രവർത്തകരടക്കമുള്ളവരുടെ വമ്പിച്ച ജന പങ്കാളിത്തം ഞങ്ങൾ പ്രതീക്ഷിക്കുന്നു. ഈ ക്യാമ്പിന്റെ മറ്റൊരു പ്രധാന പ്രത്യേകത ഡയബറ്റിക്കിനെക്കുറിച്ചുള്ള ബോധവൽക്കരണത്തിന്റെ ഭാഗമായ്‌ നടക്കാൻ പോകുന്ന പ്രമുഖ ഡോക്ടർമാരുടെ പ്രഭാഷണങ്ങളാണ്‌.

ഒക്ടോബർ 9 വെള്ളിയാഴ്ച ഇടം സാഹിത്യ വിഭാഗത്തിന്റെയും മാധ്യമ വിഭാഗത്തിന്റെയും സംയുക്താഭിമുഖ്യത്തിൽ ശ്രീനാരായണ ഗുരു ജയന്തിയോടനുബന്ധിച്ച്‌ റൂവി അൽമാസ ഹാളിൽ വെച്ച്‌ നടക്കാൻ പോകുന്ന ‘ശ്രീനാരായണ സ്മരണ’ യാണ്. ഈ ശ്രേണിയിലെ അവസാനത്തെ പരിപാടി. പ്രമുഖ എഴുത്തുകാരനും രാഷ്ട്രീയ നിരീക്ഷകനുമായ ഹമീദ്‌ ചേന്ദമംഗല്ലൂർ മുഖ്യ പ്രഭാഷകനായ് പങ്കെടുക്കുന്ന പരിപാടിയിൽ ഗൾഫിലെയും കേരളത്തിലെയും സാംസ്കാരിക സാഹിത്യരംഗത്തെ പ്രമുഖർ പങ്കെടുക്കുന്നു. രാവിലെ 8 മണിക്ക്‌ ആരംഭിക്കുന്ന സെമിനാറിൽ നവോത്ഥാന മേഖലയിൽ സംഭവിച്ചുകൊണ്ടിരിക്കുന്ന പ്രശ്നങ്ങളെയും പുതിയ ചലനങ്ങളെയും ആധാരമാക്കിയുള്ള വിവിധ പേപ്പറുകൾ അവതരിപ്പിക്കും തുടർന്ന് ഈ വിഷയങ്ങളിലുള്ള ചർച്ചയും നടക്കും. വൈകിട്ട്‌ ഏഴുമണിക്ക്‌ പൊതുജനങ്ങൾക്കായ്‌ ഒരുക്കുന്ന നവോത്ഥാന പ്രഭാഷണം പ്രോഫ. ഹമീദ്‌ ചേന്ദമംഗലൂർ നിർവ്വഹിക്കും. സാസ്കാരിക രംഗത്തെ ഒരു സുപ്രധാന പരിപാടിയായിരിക്കും ഈ സാംസ്കാരിക സമ്മേളനമെന്നു ഞങ്ങൾക്കുറപ്പുണ്ട്. ഇടത്തിന്റെ എല്ലാ പരിപാടികളും വിജയമാക്കിത്തീർക്കാൻ സഹായിച്ച മലയാളി സമൂഹത്തിനോട് തീർച്ചയായും ഞങ്ങൾ കടപ്പെട്ടിരിക്കുന്നു. തുടർന്നുള്ള പരിപാടികളിലും ഈ ആത്മാർത്ഥ സാന്നിധ്യം ഞങ്ങൾ പ്രതീക്ഷിക്കുകയാണ്.

Idam Eid-Onam celebration and Sree Narayana SmaranaDuring the day after Eid and the two following Fridays, Idam Muscat has declared an itinerary of programs having entertainment and social welfare as its primary concerns. Idam Muscat is, as they claim, is cultural a space for progressive people. The exemplary Eid-Onam celebrations started by giving Food and new clothes to the inhabitants of ‘Kottayam Abhaya Kendra on the Onam day, will reach its culmination at the charming green lands of a farm in Barka on the 2nd day after the Eid. On this auspicious day, a great Onam feast along with games and cultural activities are awaiting the Idam members and the invitees.Another major feature of this program is the blood donation camp, free diabetic clinic and awareness campaignby well known doctors, organized by the social welfare wing of Idam in cooperation with theat Nional Associationfor Cancer Awareness (NACA) Oman on the birthday of the father of our nation, Mahatama Gandhi, 2nd October.A massive turn out including Idam members is expected at the al Massa hall Ruwi during the event.The Finale of the celebration will be a public meeting to commemorate the birth day of the legendary renaissance leader of Kerala, the great Sree Narayana Guru on the 9th October , Friday which will be jointly conducted by the Media and Literary wings of Idam. Many cultural and literary celebrities will participate in the event having the celebrated writer and political observer, Hameed Chendamangaloor as chief guest.various papers addressing the Neo Social movements and issues in the field of renaissance will be presented on the seminar starting at 8 am on the same day. The chief guest Hameed will deliver a speech on renaissance and its effect on contemporary society at 7 in the evening.Claiming it to be an important event in the cultural field, the Idam officials thanked the Malayalam community that worked for its success so far and invoked further cooperation.

ഇടം സ്വാതന്ത്ര്യദിനാഘോഷം മാറ്റി വെച്ചു.

ഒമാനിൽ പകർച്ചപ്പനി വ്യാപിച്ചുകൊണ്ടിരിക്കുന്ന പ്രത്യേക സാഹചര്യത്തിൽ, വരുന്ന വ്യാഴാഴ്ച്ച റൂവിയിലെ അൽമാസ ഹാളിൽ നടക്കാനിരുന്ന 63മത്‌ ഇന്ത്യൻ സ്വാതന്ത്ര്യദിന ആഘോഷ പരിപാടികൾ മാറ്റി വെക്കാൻ ഇടം മസ്കറ്റ്‌ തീരുമാനിച്ചു. എച്ച്‌1 എൻ1 പനി മസ്കറ്റിൽ വ്യാപിച്ചു കൊണ്ടിരിക്കുന്ന സാഹചര്യത്തിൽ ചേർന്ന ഇടത്തിന്റെ അടിയന്തിര നിർവ്വാഹക സമിതിയാണ്‌ ഈ തീരുമാനമെടുത്തത്‌. പകർച്ചപ്പനി പടരുന്നത്‌ തടയാൻ ഒമാൻ ആരോഗ്യ വകുപ്പ്‌ നിർദ്ദേശിച്ച സുരക്ഷാ മാർഗ്ഗ നിർദ്ദേശങ്ങളെ പരിഗണിച്ചായിരുന്നു ഈ സുപ്രധാന തീരുമാനം. പൊതുജനങ്ങൾക്കായുള്ള മാർഗ്ഗ നിർദ്ദേശങ്ങളിൽ പ്രധാനമായി ആരോഗ്യ വകുപ്പ്‌ നിർദ്ദേശിച്ചിരുന്നത്‌, പൊതു ജന കൂട്ടായ്മയും ആളുകൾ കൂട്ടം കൂടാൻ സാധ്യതയുള്ള പൊതു പരിപാടികളുടെയും കർശ്ശനമായ നിയന്ത്രണങ്ങളുമായിരുന്നു.വിദ്യാർത്ഥികളും സർഗ്ഗ പ്രതിഭകളും ആധുനിക സാങ്കേതിക സങ്കേതങ്ങളിലൂടെയും അതിലുപരിയായി ആഴ്ചകളോളം നീണ്ട കഠിന പരിശീലനത്തിലൂടെയും സ്വായത്തമാക്കിയ ഒട്ടേറെ കലാ വിരുന്നുകളെ താത്ക്കാലികമായി ഉപേക്ഷിക്കുവാനുള്ള ഇടം പ്രവർത്തകരുടെ തീരുമാനത്തിനു പിന്നിലുള്ളത്‌ ആരോഗ്യ വകുപ്പിന്റെ ഈ നിർദ്ദേശത്തെ അക്ഷരാർത്ഥത്തിൽ ഉൾക്കൊണ്ടെടുത്ത സുപ്രധാന കാല്‍ വെപ്പ്തന്നെയാണ്‌.

IDAM POSTPONES INDEPENDENCE DAY CELEBRATIONS

In the wake of the spreading of H1N1 flu, Idam has decided to postpone the
Indian Independence Day Celebrations, which was to be staged on Thursday,
August 13th at the Al-Maasa Hall. This decision was in response to the call by
Ministry of Health to avoid public gathering, which can owe to further
spreading of the disease.
Idam, a prominent face in the socio-cultural sphere of Muscat, was planning to
bring out an event with a special blend of arts to commemorate the 63rd
Independence Day of India. More than 60 participants were to perform at the
celebration supported by most modern digital technology.
“With more and more cases of H1N1 flu being reported, we have decided to
postpone our celebrations. We came to this decision to support the campaign
by the Health Ministry and as a precautionary measure,” said the organisers.

ഇടം സ്വാതന്ത്ര്യദിനാഘോഷങ്ങൾ

മസ്കറ്റിന്റെ സാംസ്കാരിക മണ്ഡലങ്ങളിലെ സ്ഥിരം ആവിഷ്കാരങ്ങളിൽ നിന്ന് വേറിട്ടു നിൽക്കുന്ന ഒട്ടേറെ കലാസാംസ്കാരിക സാമൂഹ്യ പ്രവർത്തനങ്ങൾ സംഘടിപ്പിച്ച സാംസ്കാരിക പ്രവർത്തകരുടെ കൂട്ടായ്മ ഇടം എന്ന പേരിൽ ഒരു പൊതു വേദിയിലേക്ക്‌ രൂപാന്തരപ്പെടുന്നത്‌ 27 മാർച്ച്‌ 2009ൽ ഇ.എം.സ്സ്‌ - എ.കെ.ജി അനുസ്മരണത്തോടനുബന്ധിച്ചാണ്‌, പ്രമുഖ മാധ്യമ പ്രവർത്തകനായ എം.ജി രാധാകൃഷ്ണൻ മുഖ്യ പ്രഭാഷകനായി പങ്കെടുത്ത "ഇന്ത്യൻ ജനാധിപത്യം നേരിടുന്ന വെല്ലുവിളികൾ" എന്ന സെമിനാറോടു കൂടിയാണ്‌. പിന്നീട്‌ മസ്കറ്റിലെ മലയാളികളുടെ കലാപരവും സാംസ്കാരികവുമായ സങ്കൽപങ്ങളേയും ഇഛാശക്തിയെയും നെഞ്ചിലേറ്റിക്കൊണ്ട്‌ വളരെ ചെറിയ കാലയളവിൽ തന്നെ തികഞ്ഞ സാമൂഹിക പ്രതിബദ്ധതയോടെ നടത്തിയ പരിപാടികൾ ഒട്ടേറെയാണ്‌. ആദ്യകാല കമ്മുണിസ്റ്റ്‌ നേതാവും അതിലുപരി കേരളത്തിലെ പ്രഥമ വനിതാ എം .എൽ. എ യുമായ ശ്രീ റോസമ്മ പുന്നൂസ്‌ മുഖ്യാതിഥിയായി പങ്കെടുത്ത വിഷു ഈസ്റ്റർ ആഘോഷമാണ്‌ ഇതിനു തുടക്കമായത്‌. അവസാനമായി, ഗൾഫിലെ സ്ഥിരം സമ്മർ ക്യാമ്പുകളിൽ നിന്നും തികച്ചും വ്യത്യസ്തമായി ആധുനികതയുടെ സങ്കേതങ്ങളെയും പാരമ്പര്യജന്യ അറിവുകളെയും സമരസമായി സമന്വയിപ്പിച്ചു കൊണ്ട്‌ കഴിഞ്ഞ മാസം സംഘടിപ്പിക്കപ്പെട്ട കുട്ടികളുടെ ഉത്സവമായ ചങ്ങാതിക്കൂട്ടം വരെ ഇത്‌ എത്തി നിൽക്കുന്നു . പുതുതായ്‌ രൂപം കൊണ്ട സാംസ്കാരിക കൂട്ടായ്മ എന്ന നിലക്കുള്ള എല്ലാ ബാലിശതകളെയും മറികടന്ന്, ആവിഷ്കരിച്ച ഓരോ പരിപാടിയും വ്യക്തമായ സാമൂഹ്യ പുരോഗമന കാഴ്ചപ്പാടുകൾ ലക്ഷ്യമാക്കിയുള്ളവയായിരുന്നു. ഈ പരിപാടികളുടെ ഒരു ഘട്ടത്തിൽ പോലും ആത്മാവ്‌ ഒട്ടും ചോർന്നു പോവാതെ ഇത്‌ നടപ്പിലാക്കാൻ കഴിഞ്ഞത്‌ ഇടത്തിന്റെ പ്രവർത്തകരുടെ മാത്രം മിടുക്കല്ല എന്ന് ഞങ്ങൾക്കറിയാം. ഇത്‌ മസ്കറ്റിലെ മലയാളി സമൂഹം ഇടത്തിൽ അർപ്പിച്ച വിശ്വാസത്തിന്റെയും സഹകരണത്തിന്റെയും കൂടി വിജയമാണ്‌. പകർന്നു കിട്ടിയ ഈ ഒരു ആത്മവിശ്വാസം തന്നെയാണ്‌ അതി വിപുലമായ രീതിയിൽ മാതൃ രാജ്യത്തിന്റെ സ്വാതന്ത്ര്യ ദിനം ആഘോഷിക്കാനുള്ള തീരുമാനത്തിനു പിന്നിലേയും ചാലക ശക്തി. ഈ മാസം 13 ന്‌ റൂവിയിലെ അൽമാസ ഓഡിറ്റോറിയത്തിൽ വെച്ച്‌ ഓരോ ഇന്ത്യക്കാരനും ജീവ വായു സമ്മാനിച്ച ത്യാഗോജ്ജ്വല ചരിത്ര മുഹൂർത്തങ്ങളുടെ സ്മരണകളെ പുതിയ കാലത്തിന്റെ ചടുലതയിലൂടെയും താളങ്ങളിലൂടെയും മസ്കറ്റിലെ മലയാളികളുടെ മുമ്പിൽ ആവിഷ്കരിക്കാൺ ശ്രമിക്കുകയാണ്‌ ഇടം. മസ്കറ്റിലെ വിദ്യാർത്ഥികളെയും കലാപ്രതിഭകളെയും കണ്ണി ചേർത്തുകൊണ്ട്‌ വ്യത്യസ്തവും നയന മനാഹരവുമായ നൃത്ത നൃത്യ ശിൽപങ്ങളാണ്‌ അണിയറയിൽ ഒരുങ്ങിക്കൊണ്ടിരിക്കുന്നത്‌. ഇത്‌ സ്വാതന്ത്ര്യ സമര ഭൂവിൽ മരിച്ചു വീണ അനേകായിരം രക്ത സാക്ഷികൾക്കുള്ള ഇടത്തിന്റെ ബാഷ്പാഞ്ജലിയാണ്‌. അതോടൊപ്പം ഇടം നിങ്ങളെ സ്വാഗതം ചെയ്യുന്നത്‌ നാം ഇന്നനുഭവിക്കുന്ന സ്വാതന്ത്ര്യത്തിന്റെ വിശാലമായ ആകാശത്തിലേക്കും ഇത്‌ സാധ്യമാക്കിയ ചരിത്രത്തിലേക്കും കൂടിയാണ്. പരിപാടിയിൽ മസ്കറ്റിലെ സാമൂഹ്യ സാംസ്കാരിക രംഗത്തെ പ്രമുഖ വ്യക്തിത്വങ്ങളും സംബന്ധിക്കുന്നു.

എല്ലാവർക്കും സ്വാഗതം.

മുരളിക്ക് ആദരാഞ്ജലി

മലയാള നാടക, സിനിമാ രംഗത്ത്‌ അഭിനയകലയിൽ പുതിയൊരു വ്യാകരണം കുറിച്ച മഹാ പ്രതിഭയായിരുന്നു മുരളി എന്ന അതുല്യ നടൻ. മലയാളി എന്നെന്നും ഓർമ്മിക്കുന്ന ഒട്ടേറെ കഥാ പാത്രങ്ങളെ വികാരങ്ങളുടെ പ്രകമ്പനം മുഴങ്ങുന്ന ശബ്ദവിന്യാസത്തിലൂടെയും അത്‌ കൃത്യമായി പ്രതിഫലിക്കുന്ന ശരീര ഭാഷയിലൂടെയും അദ്ദേഹം അനശ്വരമാക്കി. കാവ്യ നിരൂപണം ഡോക്യുമെന്ററി നാടകം തുടങ്ങി ഒട്ടേറെ മേഖലകളിൽ വ്യാപിച്ചു കിടക്കുന്നതായിരുന്നു അദ്ദേഹത്തിന്റെ പ്രതിഭ അതുകൊണ്ട്‌ തന്നെ അദ്ദേഹത്തിന്റെ അകാലത്തിലുള്ള വിയോഗം സാംസ്കാരിക കേരളത്തിന്‌ ഒരു തീരാനഷ്ടമാണ്‌. ആ അതുല്യ പ്രതിഭയുടെ ഓർമ്മകൾക്ക്‌ മുമ്പിൽ

ഇടത്തിന്റെ ബാഷ്പാഞ്ജലി

ചങ്ങാതിക്കൂട്ടത്തിന് വര്‍ണ്ണാഭമായ തുടക്കം.....

ഇടം മസ്ക്ക്റ്റ് കുട്ടികള്‍ക്കായി സംഘടിപ്പിച്ച ചങ്ങാതിക്കൂട്ടം (അവധികാല ക്യാമ്പ്)
ജൂലായ് 2ന് മറീനാബന്തര്‍ ബീച്ചില്‍ നിറഞ്ഞ സദസ്സില്‍ തെളിഞ്ഞ ക്യാമ്പ് ഫയറോടെ തുടക്കം കുറിച്ചു. കുട്ടികള്‍ ആലപിച്ച ക്യാമ്പ് ഗീതത്തിനിടെ ജൂലായ് 9,10 തിയ്യതികളില്‍ അനന്തപുരി ഹാളില്‍ നടക്കുന്ന ക്യാമ്പിന്റെ സാരഥികളായ കുട്ടികള്‍ സജേഷ് വിജയന്‍, ജിനി ഗോപി എന്നിവര്‍ ചേര്‍ന്ന് നിറഞ്ഞ സദസ്സിനേയും, ഇരമ്പുന്ന കടലിനേയും സാക്ഷി നിര്‍ത്തി ദീപം തെളിയിച്ചതോടെയാണ്
ചങ്ങാതിക്കൂട്ടത്തിന് തുടക്കമായത്.

6മണിയോടെ എത്തിചേര്‍ന്ന നൂറോളം കുട്ടികള്‍ മറീനാബന്തറിലെ നീന്തല്‍ക്കുളത്തില്‍ 9മണി വരേയും കളിച്ച് തിമിര്‍ക്കുകയായിരുന്നു. അതിനു ശേഷം നടന്ന വളരെ ലളിതമായ ചടങ്ങിലായിരുന്നു ക്യാമ്പിന്റെ ഉത്ഘാടനം. ഇടം പ്രസിഡന്റ് എ.കെ. മജീദ് കുട്ടികള്‍ക്ക് നിര്‍ദ്ദേശം നല്‍കുന്നുണ്ടായിരുന്നു

ഒമാനിലെ അറിയപ്പെടുന്ന ഡൈവിങ്ങ് വിദഗ്ദനും,

പരിശീലകനുമായ ശ്രീ. ഗോപി കുട്ടികള്‍ക്കായ്
ഡൈവിങ്ങ് ഉപകരണങ്ങള്‍ പരിജയപ്പെടുത്തിയതും, ഡൈവിങ്ങ് Demonstration നടത്തിയതും ചങ്ങാതിക്കുട്ടം കൂട്ടുകാര്‍ക്ക് ഒരു പുതിയ അനുഭവമാണ് ഉണ്ടാക്കിയത്. കുട്ടികളില്‍ ചിലര്‍ ഡൈവിങ്ങ് നടത്തുന്നതും കാണാമായിരുന്നു. 9മണിയോടെ ബീച്ചില്‍ നിന്നും പിരിഞ്ഞ കുട്ടികളും, രക്ഷിതാക്കളും, ഇടം പ്രവൃത്തകരും അടുത്തുള്ള പാര്‍ക്കില്‍ ഒത്തുചേരുകയും പുതിയ അംഗങ്ങളെ ശ്രീ. സോമന്‍ പരിജയപ്പെടുത്തുകയും ചെയ്തു.

ഈ ദിവസത്തെ ഈ വലിയ കൂട്ടായ്മ സംഘടിപ്പിച്ചത് ഇടത്തിലെ വനിതാപ്രവൃത്തകരായിരുന്നു. തുടര്‍ന്ന് നടന്ന പാട്ടും, കളികളിലൂം, എല്ലാ അംഗങ്ങളും പ്രായഭേധമന്യേ പങ്കെടുത്തു. പ്രവാസത്തിന്റെ നിര്‍വ്വികാരതയില്‍ ചില പുത്തന്‍ പ്രതീക്ഷകളാണ് ക്യാമ്പിന്റെ തുടക്കത്തോടെ സാദ്ദ്യമായതെന്ന് പുതിയ അംഗങ്ങള്‍ പലരും പങ്കുവെച്ചു. ഇടം വനിതാ വിഭാഗം സെക്രട്ടറി ശ്രീ‍മതി സാനിഷ് വിജയനും മറ്റ് വനിതാ അംഗങ്ങളും പ്രശംസനീയമാ‍യ പ്രവൃത്തനമാണ് കാഴ്ചവെച്ചത്.ക്യാമ്പ് ഫയര്‍ വിജയിപ്പിച്ച മുഴുവന്‍ അംഗങ്ങളേയും, പ്രത്യേകിച്ച് വനിതാവിഭാഗം അംഗങ്ങളേയും

ഇടം എക്സിക്ക്യൂട്ടിവ് കമ്മിറ്റി പ്രത്യകം അഭിനന്ദിച്ചു.

ഈ പ്രവൃത്തനത്തിന് ഞങ്ങളോടൊപ്പം സഹകരിച്ച എല്ലാവര്‍ക്കും

ഇടം മസ്ക്കറ്റിന്റെ അഭിനന്ദനങ്ങള്‍